Og nú er nýtt páskaævintýri frá Freyju að fara af stað af fullum krafti. Páskarnir eru jú að nálgast óðfluga.

Skotta, Huppu og Freyju er hins vegar að berast liðsauki úr óvæntri átt þessa páskana: Ný persóna er að líta dagsins ljós.

Við erum að tala um dularfulla og heillandi refastelpu sem á eftir að hafa gríðarleg áhrif á framgang ævintýrisns þetta árið. Við getum hins vegar, að svo stöddu, ekki uppljóstrað neinu meira um hlutverk hennar eða framvindu sögunnar.

Það sem við getum sagt ykkur er að refastelpunni vantar nafn. Og nú er að fara af stað nafnasamkeppni um hvað téð refastelpa á að heita. Það eruð þið, kæru áhorfendur og áheyrendur sem að hafið valdið.

Þannig að fólk almennt ætti að taka þátt í skemmtilegum leik, skella sér inn á freyjuheimur.is, hlusta á hjartað sitt, og gefa refastelpunni dularfullu nafn.

Fyrir utan að taka taka þátt í ævintýrinu eigið þið nefnilega líka möguleika á að vinna glæsilega og gómsæta páskaeggja veislu frá Freyju fyrir alla fjölskylduna.

Taktu þátt. Gefðu henni nafn.

Við getum líka sleppt öllu bókmenntafræðilegu fensípents og sagt sem svo: Muniði eftir þessum?

Flestir ættu að geta verið sammála um að myndarlegir og vöðvastæltir karlmenn í hita leiksins eru sjónræn prýði. Merkilegt nokk er þetta eitthvað sem Arnar Grant, Ívar Guðmundsson og Rocky eiga allir sameiginlegt.

Mydböndin hérna beint fyrir ofan innihalda auglýsingar sem Kapital snaraði fram úr hattinum sínum  til að vekja athygli á próteinsúkkulaðinu Hreysti og Kraft frá Freyju.

En bíðum aðeins við:

Og nú er komin ný próteinstöng með hnausþykku súkkulaði frá Freyju, í samstarfi við vöðvatröllin landsfrægu, sem ber nafnið Styrkur.

Í samhengi við háfleyg upphafsorð þesa pistils þótti eðlilegt framhald af því sem undan var gengið að Kapital mynd annast útungun,

og að áhorfendur fengju að sjá hvað gerðist næst, hvað kæmi á eftir innblásturs-gefandi, montage-æfingartryllingi þeirra félaga.

Kýldáða.

Ef að Foosball hefur ekki nú þegar komið inn i líf þitt, lesandi góður, bendum vér þér á að smella á tengilnn hér fyrir ofan. Ekkert mun verða samt aftur.

Það varð það allavega ekki í herbúðum Kapital. Allt frá því að karlmannlegir hrammar starfmanna Kapital gripu i fyrsta sinn um grjótharðar og rennilegar stálstangir varð ekki aftur snúið.

Eins og gjarnan  er raunin með hluti sem breyta lífum vatt Foosball-iðkun Kaptalmanna hressilega upp á sig, og ýmsar miskunnarlausar hefðir og  reglur dúkkuðu upp, sérsniðnar til að fullnægja gríðarlegu keppnisskapi Kapitalmanna, óseðjandi þörf þeirra eftir spennu, óviðráðanlegri fíkn þeirra í hættu. Þessar reglur miða jafnframt ekki síst að því að niðurlægja andstæðinginn og neyða hann til að framkvæma skammarlegar athafnir með skottið á milli lappanna.

Í stuttu máli snúast reglurnar meðal annars um að ef lið nær ekki ákveðnum fjölda stiga þurfa liðsmenn að skríða undir Fossballborðið að leik loknum.

Ekki láta kalt brosið blekkja ykkur. Það er ekki gaman að skríða undir borð.

Myndskreytt lýsing á orðinu "skömm."

Skríddu fyrir mig.

En Kapital lætur ekki staðar numið þarna: Kapital fer ávallt lengra, er sífellt á hreyfingu, er stöðugt að þróast. Þannig hefur einnig verið innleidd sú regla að ef lið nær engum (0) stigum þurfa liðsmenn að dveljast í tvær (2) heilar mínútur undir Foosballborðinu sem brást þeim svona herfilega. Þessir tvær (2) mínútur eiga það til að virðast vera mun, mun lengri tími, og oftar en ekki upplifa menn langt og sársaukafullt uppgjör við sjálfa sig á meðan þeir sitja þarna, eins og dæmdir hinum hinsta dómi, og hugsa sinn gang.

Einnig nefnt Hreinsunareldurinn.

Þessi hrokafulli hundur var með stórkarlalegar yfirlýsingar um ágæti sitt i Foosball. Kapitalstarfsmenn lækkuðu í honum rostann.

Þessar hörðu refsingar, þessi gríðarlega pressa sem Kapitalstarfsmenn lifa við á hverjum degi, hefur hert menn, hefur framkallað sigg á sálum og lófum. Enda kom það á daginn þegar Já  hélt stórglæsilegt og allt að því ekki óopinbert Íslandsmeistaramót fyrirtækja í Foosball að rétt ens og stál temprast og herðist í eldi höfðu áráttukenndar og ómanneskjulegar þjálfunarbúðir Kapital skilað töluverðum árangri. Og eftir taplausa framgöngu stóð Kapitalvélin uppi sem öruggur sigurvegari.

Menn fylgdust andaktugir með.

Kapitalvélin í fullum gangi.

Þjálfunin búinn að skila sér. No sacrifice, no victory.

Kapital er stolt af þessu.

 Náttúran er með plan, sjáið til, árstíðirnar láta keflið ganga og við færumst fram á við. Loftið verður jafnvel enn tærara. Laufblöð fara hamförum og skipta litum, eins og trén séu nemendur í förðunarskóla eða ákaflega áhugasöm um líkamsmálningu.

Líkamsmálning er spennandi listform. Hér sjáum við innblásturs-gefandi dæmi um hana upp á sitt besta.

 Og mannfólkið líður rólega úr láréttri stöðu í lóðrétta. Það er kominn tími til að hætta að flatmaga í sólbaði. Það er kominn tími til að taka til hendinni.

 Kapital er ákaflega meðvitað um allt þeta. Þessu til staðfestingar bendum við ykkar á eftirfarandi fregnir, stórtíðindi, skýr skilaboð um að hlutirnir blómstra líka  á haustin:

1.

Í fyrsta lagi, þetta: Kapitalstarfsmenn eru ógnarhressir, og hafa undanfarið, sem fyrr, unnið baki brotnu við að koma spennandi markaðslausnum úr hugmyndaskýjum og hugsunarblöðrum inn í raunveruleikann. Það hefur gengið alveg hreint prýðilega.

Aldrei gefast upp. Allt er mögulegt.

2.

Athugið, vinsamlegast athugið: Kapital leitar eftir fjársterkum aðilum í sambandi við byltingarkennda og framsækna viðskiptahugmynd.

Hver kannast ekki við að vera geðveikt bissí og vera að tala í símann þegar skyndilega kemur upp sterk þörf og löngun til að nota báðar hendurnar í mikilvægt verkefni? Hefðbundnir símar krefjast þess að annarri hendinni sé undantekningarlaust fórnað í að halda á þeim. Hefðbundinn handfrjáls búnaður krefst þess að þú lítir út eins og kjáni talandi út í loftið, auk þess sem að snúran flækist nær undantekningarlaust í fötum, hurðahúnum, og/eða öðru fólki.

Kapital hefur lausnina! HandKappinn (skráð vörumerki) er byltingarkenndur búnaður sem frelsar alla útlimi á meðan talað er í símann, auk þess sem hann gerir notandann fáránlega töff. Eftirfarandi mynd mun útskýra nákvæmlega hvað um ræðir og eyða öllum efasemdum:

HandKappinn í action.

Áhugasamir hafi sambandi í síma 414-3600, eða með tölvupósti  á netfangið kapital@kapital.is

3.

Kapital skellti sér á ákaflega athyglisverða ráðstefnu á dögunum, nánar tiltekið 09.09.09, þar sem internetið og feiknarlegir möguleikar þess í markaðsstarfi voru ræddir til hlítar, frá ýmsum hliðum. Forvígismaður þessa merka fyrirbæris bloggar hér, og eru áhugasamir, sem og óáhugasamir, hvattir til að kynna sér málið betur. 

Það er allt að gerast.

Haust, komdu fagnandi.

Móðir Náttúra er að minnsta kosti svo sannarlega með “Rjúkandi Sumar!!! Vúúú!!!” á statusnum á fésbókinni sinni.

Það er á svona stundum sem að konsefftin “Vetur” og “Myrkur” missa alla merkingu í höfðinu á Íslendingum, ákveðið æði rennur á landsmenn (til að orða það smekklega), og Ísland gengur í gegnum tryllingsleg hamskipti.

Að streitast á móti er fásinna.

Fásinna.

Sá sem þetta bloggar er því að hugsa um að hætta að mæna löngunaraugum út um gluggann, standa rólega upp, taka fingurna af lyklaborðinu og f

Eftirfarandi er því skilmerkilegur myndaþáttur sem útlistar ítarlega hvernig téð bragðkönnun fór fram, enda mikilvægt að sýna beinharðar og óyggjandi sannanir fyrir því að allt hafi farið rétt fram og öllum reglum hafi verið fylgt af áráttukenndri nákvæmni.

Vinsamlegast athugið að nöfn hinna súkkulaðikexanna í könnuninni verða ekki birt: Þetta er gert til að vernda hina saklausu.

Bragðkönnunin var a sjálfsögðu framkvæmd blindandi: Fagmannleg vinnubrögð voru höfð í fyrirrúmi.

Alþjóðlegum reglum um framkvæmd vandaðra bragðkannana var fylgt í hvívetna. Eftirlitsnefnd alþjóðlega bragðkannanasambandsins (ABKS) hafði ekkert út á framkvæmdina að setja og gekk jafnvel svo langt að hrósa könnuninni sem þeirri best skipulögðu sem hún (eftirlitssofnunin) hefur orðið vitni að.

Dómnefndin var skipuð einvalaliði sérmenntaðra sérfræðinga. Hróður dómnefndarinnar jókst svo jafnvel enn frekar þegar Þorvaldur Davíð Kristjánsson, efnilegasti leikari landsins, ljáði verkefninu krafta sína.

Einkunnaspjöld dómnefndar voru sérpöntuð frá Frakklandi, og jafnframt fagmannleg.

Mikilvægt er að skola munninn reglulega þegar maður er staddur í hringiðu bragðkönnunar. Þetta er gert til að hreinsa munnholið og gera það enn móttækilegra fyrir mismunandi blæbrigðum.

Krýndur sigurvegari.

Þegar allt kom til alls, eftir margra klukkutíma rannsóknir, eftir blóð svita og tár, eftir að menn höfðu belgt sig út af súkkulaðikexi, er einkennilega viðeigandi að Rex þýði “Konungur” á latínu: Því hann bar höfuð og herðar yfir keppinauta sína í þessari geysilega vönduðu bragðkönnun, og var krýndur efsta sætinu, kórónunni.

Við óskum Rex, og Freyju, innilega til hamingju með árangurinn.

Stundum tekur maður bara of stórt upp í sig.

Það var aldrei ætlun okkar að særa ykkur þessu holundarsári, ágætu og fjölmörgu reglulegu lesendur þessarar síðu. Og þó að einhver, eða jafnvel margir, myndu segja að bloggþurrkurinn undanfarið hefði verið mjög eðlilegt og náttúrulegt viðbragð við áðurnefndum (og í eðli sínu mjög athyglisverðum) önnum viljum við fullvissa aðdáendur okkar um að þetta kemur ekki fyrir aftur: Við höfum lært okkar lexíu. Við þurfum að sameina viðskipti (sbr. annir) og ánægju (sbr. að blogga fyrir ykkur, sem er frábært).

Hin endanlega sameining viðskipta og ánægju.

Bloggmaskínan Kapital er semsagt hérmeð komin á gríðarlegt fart, og er mikilla tíðinda að frétta héðan á allra næstu dögum.  Fartið er raunar svo mikið, þeysingin slík, að réttast væri að líkja þessu við eimreið. Reykspúandi eimreið sem brunar svoleiðis eftir teinunum að enginn vafi er á að ekkert grín er hér á ferð.

Örfá skýr dæmi um það að Kapital sé ekki bara með meðvitund heldur beinlínis glaðvakandi þegar kemur að þessum efnum (eins og svo mörgum öðrum) er til að mynda þetta blogg sem þú kæri lesandi hefur fyrir augunum núna og lest væntanlega reglulega af áfergju, stórskemmtileg Flickr síða Kapital, auk þess sem Kapital er að sjálfsögðu áráttukenndur notandi á Facebook.

Internetið vill vera vinur þinn.

Kapital er semsagt, með öðrum orðum ansi sjóað þegar kemur að ólgusjó veraldarvefjarins. Við erum eldri en tvævetur (2) í að feta beinu brautina í rangölum tvöfalltvafftvöfalltvafftvöfalltvaff.

Veraldarvefurinn býður ekki bara uppá vini, heldur líka góð kaup.

Hins vegar brá Kapital eilítið í brún þegar við fengum tvær (2) undarlegar og beinlínis dularfullar vinabeiðnir á Facebook með stuttu millibili.

Sú fyrsta var frá þessum gaur:

Hann kallar sig víst Skotta.

Og sú seinni frá þessari…dömu…hér:

Hún kynnir sig sem Huppu.

Það er auðvitað fjarri Kapital að vera með fordóma af nokkru tagi, hvað þá gagnvart teiknimyndapersónum, þannig að við samþykktum bón þeirra beggja um vinskap.

Þetta samþykki okkar gerði hins vegar ekkert til að róa forvitni gagnvart þessum karakterum, ekkert til að slökkva fróðleiksþorsta okkar. Hver eru Skotti og Huppa? Hvaðan koma þau? Hvert eru þau að fara? Hverjir eru draumar þeirra og þrár?

Eftir ítarlega rannsóknarvinnu, eftir að hafa blaðað í gegnum þykka skjalabunka og blásið ryki af gömlum bókum, en samt aðallega bara töluverðri Gúgglun, fundum við athyglisverða vísbendingu:

Plottið þykknar.

Hvað erum við að tala um? Hvað þýðir þetta?

Kapital er hvergi nærri búið að gefast upp. Svo mikið er víst. Meira um þessa dularfullu vini síðar. En þangað til getið þið kíkt á þetta. Og líka þennan.

Allt til að betrumbæta samfélag okkar og Ísland eins og það leggur sig svo um munar.

Öll dýrin í skóginum eiga að vera vinir.

Í mjög heiðarlegri tilraun til að stuðla að þessari framrás ljáði Kaptial Sjálfstæðisflokknum krafta sína, og smíðaði, framleiddi, og setti saman vef sem (eðli málsins samkvæmt) nýtir slagkraft hins alræmda og umtalaða internets til að kynna Prófkjör Sjálfstæðismanna  á einfaldan og aðgengilegan hátt.

Útópísk sýn.

Í ljósi þess pólitíska stormviðris sem þessi uppljóstrun, þessar upplýsingar koma til með að valda, fannst okkur rétt að birta hér beint fyrir neðan opið bréf til íslensku þjóðarinnar, yfirlýsingu sem kemur til með að taka af öll tvímæli:

“Kæra þjóð: 

• Þeir sem standa að Kapital  munu ekki taka pólítíska afstöðu á stafrænum síðum þessa vefrits. Þeir sem standa að Kapital spanna að öðru leyti alla liti í hinu pólítíska litrófi.
• Þeir sem standa að Kapital eru metnaðarfullt fólk sem hefur gæði og skemmtilegheit að leiðarljósi.
• Þeir sem standa að Kapital eru samasafn af gömlum sálum sem búa í ungu fólki sem er ungt í anda.
• Kapital elskar Ísland.

-Takk fyrir.”

Og hananú. Þetta ætti að beina umræðunni í réttan farveg.

Víti til varnaðar.

Talandi um farveg, þá ætlar Kapital ekki að sitja með hendur í skauti á þessum umbrotasömu umbótatímum, heldur opinbera hér, svipta hulunni af sínu eigin framboði: Framboði sem mun, með umboði þjóðarinnar allrar, snúa við þeirri öfugsnúnu þróun sem hefur verið að eiga sér stað á Íslandi og í heiminum öllum.

Við höfum svörin.

Hvaða svör eru það, spyrjið þið?

Sjá: Frambjóðendur okkar, og stefnumál, slagorð þeirra.

Sævar

"Traust, sem þú getur treyst."

Pierre

"You want croissant? I will give you."

"Umbun. Fyrir umbætur."

Baldur

"Leyfðu þér smá lýðræði."

Hjörtur

"Breyting sem þú getur trúað á."

Kapital innleiðir jafnframt byltingarkennt og nýstárlegt kosningakerfi fyrir frambjóðendur sína: Kosningin fer fram á kommentakerfi (e. comment) þessarar ágætu síðu.

Megi besti maðurinn sigra.

Pulsan er máttug.

En eins og allir sannir unnendur Pulsunnar vita er pulsa ekki það sama og Pulsa. Ónei. Eins og greint var frá í síðasta Pulsupistli (sjá, sjá núna, alls ekki síðar, hér) leggur Kapital gríðarlegan metnað í Pulsun sína, svo mikla raunar, að við höfum sérlegan Pulsumeistara á okkar snærum.

Kristinn Svan.

Pulsumeistarinn vill vera vinur þinn.

 Staða Pulsumeistarans er (eðli málsins samkvæmt) ákaflega virðingar- og eftirsóknarverð, og þess vegna þarf það svosem ekki að koma neinum neitt sérstaklega á óvart að hatrömm barátta, nánar tiltekið valdabarátta, um titilinn skeki nú höfuðstöðvar Kapital: Að menn oti sínum tota villt og galið, það er að segja að flóknar Pulsueldunaraðferðir og exótísk álegg séu predikuð eins og enginn sé morgundagurinn.

Það er einmitt þess vegna sem að við getum kynnt ykkur, Pulsuáhugamenn góðir, byltingarkennda viðbót í Pulsueldunarvopnabúrið.

Við kynnum með stolti: Salatpulsa.

Ekki einu sinni reyna að segja að þið viljið ekki fá þetta upp í ykkur.

Gunnar Steinn Úlfarsson, einnig nefndur G-Rock, einhverntímann vísað til hans sem Gunshow, núna einungis kallaður Healthshow, hefur opinberað “The Secret Ingredient” (sjá hér að ofan), og gerði um leið harða atlögu að (hingað til) óskoruðu meistaravaldi Svansins með þessari óvenjulegu og ótrúlegu samsetningu (prófið hana!)

Og það merkilega  er að þetta er svona skrambi gott.

Ekki einu sinni reyna að segja að þið mynduð ekki vilja láta þennan mann setja Pulsuna sína upp í ykkur.